• Басты
  • Малайзия ЭКСПО-2017-ге қатысады
15 Қыркүйек, 2015 09:38

Малайзия ЭКСПО-2017-ге қатысады

Малайзиядағы Қазақстан елшісі Данияр Сәрекенов Малайзия Энергетика, жасыл технологиялар мен су ресурстары министрлігінің бас хатшысы Лу Тук Гиймен кездесу өткізді. Малайзия Үкіметі аталмыш ведомствоны Астанада өтетін «ЭКСПО-2017» халықаралық көрмесіне мемлекеттің қатысуын үйлестіретін орган ретінде бекітті, деп хабарлады ҚР Сыртқы істер министрлігінің баспасөз қызметі.
Малайзия  ЭКСПО-2017-ге қатысады

Лу Тук Гий көрме тақырыбы «Болашақ энергиясы» өзекті екенін атап өтіп, оның «жасыл» технология саласында тәжірибе алмасуға септігін тигізетініне сенімділік білдірді. Бас хатшы сендіргендей, Куала-Лумпур алдағы көрмеде лайықты түрде таныстырылатын болады, өкілетті ведомство жақын арада қазақстандық тараппен ұйымдастыру мәселесін талқылауды бастайды», - делінген хабарламада. 

Малайзиялық тарап екі ел арасындағы саяси диалогтың даму белсенділігіне жоғары баға берді және Қазақстанның тәуелсіздік жылдары қол жеткізген әлеуметтік-экономикалық, сыртқы саяси табыстарын атап өтті. 

Кездесу қорытындысы бойынша тараптар малайзиялық тараптың «ЭКСПО-2017» көрмесіне толыққанды қатысуы үшін мақсатты тұрғыда жұмыс істеу туралы уағдаласты. 

Барлық жаңалықтар
54.236.35.159, 192.168.88.100