• Басты
  • Қазақстанда «Орталық-2015» стратегиялық командалық-штабтық оқу-жаттығуы басталды (ФОТО)
14 Қыркүйек, 2015 20:03

Қазақстанда «Орталық-2015» стратегиялық командалық-штабтық оқу-жаттығуы басталды (ФОТО)

«Орталық-2015» командалық-штабтық оқу-жаттығуы басталды. Оқу-жаттығу «Оймаша» («Батыс» өңірлік қолбасшылығы) және «Шығыс» («Шығыс» өңірлік қолбасшылығы) полигондарында өтеді, деп хабарлады Қорғаныс министрлігінің баспасөз қызметі.
Қазақстанда «Орталық-2015» стратегиялық командалық-штабтық оқу-жаттығуы басталды (ФОТО)

 «Батыс» ӨңҚ «Оймаша» полигонында оқу-жаттығудың ашылу рәсіміне ҚР ҚК Бас штабы бастығының орынбасары генерал-майор Мүслім Алтынбаев, ҚР ҚК ӘТК Бас қолбасшысының орынбасары 1-дәрежелі капитан Сәкен Бекжанов, сондай-ақ Ұлттық ұлан және ҚР ҰҚК Шекара қызметінің бөлімдері мен бөлімшелері қатысты.

Өз кезегінде, «Шығыс» өңірлік қолбасшылығында 10810, 30217, 44793 әскери бөлімдерінің құрамалары мен бөлімдері және ӨңҚ әскерлері қолбасшысының басқармалары жауынгерлік әзірліктің жоғары дәрежесіне келтірілді. Бөлімшелер оқу-жаттығу өткізілетін ауданға шығарылды, онда басқару пункттерін өрістетті, лауазымды адамдармен жұмыс ұйымдастырылды.

Әзірлеме бойынша Қазақстан Қарулы Күштерінің бөлімдері мен бөлімшелері шартты қарсыластың шабуылын тойтара отырып, қойылған оқу-жауынгерлік тапсырмаларды орындайды.  Жалпы алғанда, жауынгерлерге бірнеше тактикалық эпизод беріледі.

Атап айтқанда, басқару органдары мен бөлімдерді жауынгерлік әзірліктің жоғары дәрежесіне келтіру, әскерлердің қайта топтасуы, арнайы әскери операцияны жүргізу және құрамдастырылған тәсілмен марш жасау.  «Орталық-2015» оқу-жаттығуын өткізу қыркүйектің 14-і мен 20-ы аралығында жоспарланып отырғанын айта кетейік.  

 

Барлық жаңалықтар