АҚШ-тың ірі компаниялары өздерінің зертемелерін ЭКСПО-2017-ге ұсынады

14 Қыркүйек, 2015 16:21

2015 жылы 11-12 қыркүйекте «ЭКСПО-2017» комиссары, ҚР сырты істер министрінің орынбасары Рәпіл Жошыбаев әлемдегі ең ірі зерттемелер мен жаңа өндіріс технологиялар орталығы АҚШ-тың Сан-Франциско қаласы мен «Кремнийлі алқабын» аралады, деп хабарлады ҚР СІМ.

Сапар кезінде «ЭКСПО-2017» комиссары Сан-Франциско мэрының орынбасарымен, «GoogleEarth», «StanfordGlobalThermostat», «ObscuraDigital», «PlanetLabs» компанияларының басшыларымен, сонымен қатар Стэнфорд университетінің ғылыми топтарымен кездесті.

Сан-Франциско мэрының орынбасары Марк Чандлермен өткен кездесуде америкалық-қазақстандық компаниялар серіктестігінің мүмкіндіктері мен инвестициялық ынтымақтастық мәселелері талқыланды.

М. Чандлер атап өткендей, «АҚШ-тың «ЭКСПО-2017» қатысуы» АҚШ-тың климаттың өзгеруімен күресінің және «жасыл» энергетиканы тұрақты дамытуды қамтамасыз етуінің жалғасы болмақ. Сан – Францисконың әлем бойынша энергоүнемдеу технологиясы саласында көшбастап тұрғанын есепке алатын болсақ, ол әлемдегі алғашқы «жасыл» қала сертификатын алған шаһар. Сонымен қатар, Сан-Францисконың қазақстандағы ЭКСПО-ға Шанхайда өткен көрмедегідей жеке павильонмен қатысу мүмкіндігі бар.

Р. Жошыбаев «Кремнийлі алқабындағы» кездесуде америкалық компаниялардың «ЭКСПО-2017» қатысу мүмкіндігі туралы айтып берді.

Айта өткейік, бүгінде 47 мемлекет пен 7 халықаралық ұйымдар «ЭКСПО-2017» көрмесіне қатысатынын растады.