Қазақстандық боксшы Халықаралық турнирде алтынға ие болды
14 Қыркүйек, 2015 20:43
Ақмола облысының спортшысы Карина Ибрагимова бокс бойынша өткен Халықаралық турнирде алтын медальді жеңіп алды, деп хабарлады облыстың ІСБ жанындағы «Ақмола Медиа Орталығы».
Әйелдер арасындағы халықаралық бокс турнирі Бұхарада (Өзбекстан) өтті.
Сайыс жас ерекшелігі бойынша үш кезеңге бөлінді.
Шараға 1999-2000 және 1997-1998 жылдар аралығындағы 120 спортшы қыздар қатысты.
Дүбірлі дода 16 салмақ санаты бойынша өтті.
Турнирде қазақстандық (Ақмола обл.) боксшы Карина Ибрагимова 64 келідегі салмақ бойынша алтын медальға ие болды.
Айта өтейік, қазылар алқасында Қазақстан мен Өзбекстанның АИБА судьялары болды.
