• Басты
  • Какпеновтар отбасы: «Мерейлi отбасы» байқауына қатысуымыз отбасымыздың тарихында мәңгі қалады

Какпеновтар отбасы: «Мерейлi отбасы» байқауына қатысуымыз отбасымыздың тарихында мәңгі қалады

12 Қыркүйек, 2015 13:24
Біз үшін «Мерейлi отбасы» байқауына қатысқанымыз өте маңызды, себебі ол отбасымыздың тарихында мәңгі қалады, деп хабарлады педагогтар әулетінің өкілі, Ақмола облысынан келіп байқауға қатысқан Үміт Какпенова.

«Біз Ақмола облысы Көкшетау қаласынан келдік. Біз үшін бұл шара өте маңызды, себебі ол отбасымыздың тарихында мәңгі қалады. Біздің атамыздың 7 баласы, 18 немересі мен 4 шөбересі бар. Отбасы өкілдерінің жартысы – педагогтар әулеті. Біздің атамыз (қайнатам)  мұғалім, меңгеруші, мектеп директоры болған, оның жолын балалары да жалғастырды. Біздің жиендеріміз «Болашақ» бағдарламасы бойынша шетелде білім алды», - деді Ү.Какпенова

Ол атап өткендей, бүгін құрамында 35 адамы бар отбасы «Мерейлі отбасы» ұлттық байқауының шешуші кезеңіне қатысты. «Байқаудың барлық кезеңдерінде отбасымыздың әрбір мүшесі өз үлесін қосып жатты, бірі би билеп, өлең айтса, енді біреулері музыкалық аспаптарда ойнады және бизнестері туралы әңгімелеп берді», - деп толықтырды Ү.Какпенова.

Ботагөз Айтжанова

Барлық жаңалықтар