• Главная
  • Елімізде 21-ден 36 жасқа дейінгі қазақстандық әскери міндеттілер жиынына жіберілді (ФОТО)
12 сентября, 2015 16:04

Елімізде 21-ден 36 жасқа дейінгі қазақстандық әскери міндеттілер жиынына жіберілді (ФОТО)

Қазақстан Қарулы Күштерінде әскери қызметті шыңдау және тәжірибені арттыру мақсатында әскери міндеттілер жиыны өтеді. 19 қыркүйекке дейін созылатын шара Қарағанды, Семей қалалыр және Отар елді мекенін қамтиды, деп әскери ведомстводан хабарлады.
Елімізде 21-ден 36 жасқа дейінгі қазақстандық әскери міндеттілер жиынына жіберілді (ФОТО)

Осы аптада Семей аумақтық гарнизонына 100 әскери міндетті азамат, оның ішінде 19 запастағы офицер келді. 10-25 қыркүйек аралығында олар Семей аумақтық гарнизоны әскери полиция отрядының басшылығымен оқу-жаттығу жиынына қатысады.

Олардың барлығы Семей қаласы қорғаныс істері жөніндегі басқармасының жұмылдыру қағазы арқылы Шығыс Қазақстан облысының түрлі азаматтық ұйымдарынан шақырылған.

«Азаматтар жеке құрамды толықтыру орнына келіп, қажетті керек-жарақтармен қамтамасыз етілді. Сонымен қатар, алғашқы нұсқаулықпен танысты. Жиынға әскери міндетті орта және жоғары білім бар 21-ден 36 жасқа дейінгі қазақстандықтар қатысуда», - делінген хабарламада.

Қатысушыларға Қазақстан Қарулы Күштері әскери полиция органдарының әскери қызметшілері ретінде жауынгерлік міндеттері түсіндіріледі.

Аталып өткендей, әскери жиынның басты мақсаты бейбіт уақытта әскери бөлімдердің жұмылдыру және әскери дайындығын көтеру,  сонымен қатар, запастағы офицерлерді әскери-әдістемелік  тұрғыда даярлау болып саналады.