Астанада бүгін «Мерейлi отбасы» ұлттық байқауының жеңімпаздары марапатталады
12 Қыркүйек, 2015 10:13
Бүгін Астанада «Қазақстан» ОКЗ-да ҚР Мемлекеттік хатшысы, ҚР Президенті жанындағы Әйелдер істері және отбасылық демографиялық саясат жөніндегі ұлттық комиссияның төрағасы Гүлшара Әбдіхалықованың қатысуымен «Мерейлі отбасы» ұлттық байқауының жеңімпаздары марапатталады.
Марапаттау рәсімінде аймақтық кезеңнен іріктеу кезеңге шыққан және смс дауыс беруге қатысқан 16 отбасының ішінен жеңімпаз отбасылар жарияланады. Айта кетерлік жайт, смс дауыс беру ағымдағы жылдың 2 қыркүйегі мен 11 аралығында жүргізілді.
Салтанатты марапаттау рәсімі қазақстандық эстрада жұлдыздарының қатысуымен өтетін концертпен аяқталады.
Естеріңізге сала кетейік, Қазақстан Республикасы Президентінің 2013 жылдың 6 желтоқсанындағы бұйрығына сәйкес Қазақстанда жыл сайын «Мерейлі отбасы» ұлттық байқауы өткізіліп келеді.
Strategy2050.kz сайтындағы тwitter-трансляцияны жіберіп алмаңыздар.
