А. Айымбетов бар «Союз ТМА-16М» кемесінің капсуласы Қазақстанға сәтті қонды
12 Қыркүйек, 2015 10:02
12 қыркүйек 2015 жылы ғарышкерлер Мәскеу уақытымен сағат 03.00-ден 51 минут кеткенде Жезқазған қаласынан оңтүстік-шығысқа қарай 146 шақырым қашықтықта жерге қонды, деп хабарлады Роскосмостың ресми сайты.
«Ішінде қазақстандық Айдын Айымбетов, ресейлік Геннадий Падалка мен даниялық Андреас Могенсен бар «Союз ТМА-16М» кемесінің капсуласы ХҒС-дан Мәскеу уақыты бойынша сағат 00.29 ажырады», - делінген хабарламада.
Естеріңізге сала кетейік, тәуелсіз Қазақстанның алғашқы ғарышкері Айдын Айымбетов ғарышқа 2 қыркүйекте «СОЮЗ ТМА-18М» ғарыш кемесімен аттанды.
