«Мәңгілік Ел» концертінде Қазақстанның тәуелсіздігін жырлайтын әндер орындалды (ФОТО)

11 Қыркүйек, 2015 20:34

Қойылымның «ХХ ғасыр» деп аталған бөлімінде 1917 жылғы Қазан төңкерісі сахнадағы қызыл кірпіштен жасалған қабырғадағы бейнесуреттер арқылы жеткізілді. Сонымен бірге, 1932 жылғы ашаршылық пен репрессия туралы тарихи мағлұматтар бейнематериалдар мен хроникалар арқылы көрініс тапты.

Артынан 1941-1945 жылғы Ұлы Отан соғысында қаза тапқан Кеңес Одағы Батырларының тізімі сол сұрапыл жылдардың салқынын сездіртті. Ал төртінші көріністе көрермендер 1954 жылғы тыңайған жерлерді игеру кезеңін хорегорафиялық композиция арқылы тамашалады.

Қойылымның «Тәуелсіздік» бөлімін тәуелсіздік жылдарында қол жеткізген жетістіктеге арналды. Қазақстанның халық әртістері Айман Мұсақожаева, Жәния Әубәкірова, Гаухар Мурзабекова, Қазақстанның еңбек сіңірген әртістері Майра Мұхамедқызы және тағы басқа Қазақстан өнер шеберлерінің орындауында тәуелсіз Қазақстан, Астана жайында әннен шашу шашылды.

Концертке жалпы саны 2500-ден астам адам қатысты. «Наз», «Салтанат», «Туған жер», «Рухсара», «Жорға», «Шалқыма», «Алтынай», «Ақ Жайық», «Аққу» «Көк түріктер» секілді еліміздің би ансамбльдерімен қоса, Түркия, Әзірбайжан, Өзбекстан, Қырғызстан елдерінен келген өнер ұжымдары ғажайып шоу жасауға үлес қосты.

Естеріңізге сала кетейік, «Барыс» мұз сарайында Қазақ хандығының 550 жылдығына арналған «Мәңгілік ел» мерекелік театрландырылған конерт өтіп жатыр.

Индира Кауметова