«Мәңгілік Ел» концертінде 500 домбырашы Құрманғазының «Сарыарқа» күйін орындады

11 Қыркүйек, 2015 20:17

Қазақ хандығының 550жылдығына арналған «Мәңгілік Ел» театарландырылған қойылымның «Қазақ хандығының құрылуы» деп аталған бөлімде театрландырылған көрініс арқылы Шыңғысхан дәуірі, Алтын орда, Ақ орда туралы мағлұмат беріледі. Артынан алаңдағы сол кездегідей киінген 200-ге тарта театр, цирк әртістерінің көмегімен «Хан көтеру» көрінісі сахналанды. Келесі көріністе поэзия тілімен ұлы дала ғұламалары, қазақтың үш биі – Төле би, Қазыбек би, Әйтеке би әңгіме арқауы болды.

Төртінші «Дала ренессансы» бөлімінде Сүйінбай Аронұлы, Абай Құнанбаев, Шоқан Уәлиханов, Құрманғазы Сағырбайұлы секілді ХІХ ғасырдың ұлы өнер, мәдениет және ғылым қайраткерлері баяндалады. Бұл көріністе белгілі театр және кино актері Қ.Қыстықбаевтың орындауында Шоқанға Ф.Достоевскийдің жазған хаттарын оқу, Қазақстанның еңбек сіңірген қайраткері, жыршы Ақан Әбдуәлидің орындауында Сүйінбайдың «Қарасай батыр» поэмасының үзіндісі, КСРО Халық әртісі Әлібек Дінішевтің орындауында Абайдың «Желсіз түнде жарық ай» әні, 500 домбырашы орындайтын Құрманғазының «Сарыарқа» күйі арқылы көрерменге ел тарихынан бір үзік сыр жеткізілді.

Естеріңізге сала кетейік, «Барыс» мұз сарайында Қазақ хандығының 550 жылдығына арналған «Мәңгілік ел» мерекелік театрландырылған конерт өтіп жатыр.

Индира Кауметова