«Мәңгілік Ел» театрландырылған қойылымына 3 мың адам қатысуда
11 Қыркүйек, 2015 19:27
«Барыс» мұз кешенінде Қазақ хандығының 550 жылдығына арналған «Мәңгілік Ел» театрландырылған қойылымы өтуде.Қойылым қазақ мемлекеттілігінің үш мыңжылдық тарихын баяндайды. Шараға 3000 астам адам тартылған.
Отандық «Наз», «Салтанат», «Туған жер», «Рухсара», «Жорға», «Шалқыма», «Алтынай», «Ақ Жайық», «Аққу» «Көк түріктер» би ансамблдерімен қоса Түркия, Әзірбайжан, Өзбекстан, Қырғызстан би ансамблдері қатысуда.
Айта кетейік, технологиялардың ең үздік жетістіктері қолданылатын ғажайып шоу Қазақстан мәдени өміріндегі ең тартымды да көлемді шоу болады деп көзделген.
Мерекелік қойылым қазақ елінің үш мың жылдық тарихы мен қазіргі заманауи келбетін 7 тарау арқылы сахналайды. Әрбір тарауда еліміздің халық болып дамыған, ұлт болып қалыптасқан тарихи кезеңдері ән-күй, жыр-терме, хореография, хор секілді әр түрлі жанрлар арқылы қамтылады.
Индира Кауметова
