• Басты
  • Қазақстанда алғашқы монополияға қарсы реттеу кафедрасы ашылды

Қазақстанда алғашқы монополияға қарсы реттеу кафедрасы ашылды

12 Қыркүйек, 2015 11:02
Л.Н. Гумилев атындағы ЕҰУ-да Қазақстандағы алғашқы монополияға қарсы реттеу мәселелері жөніндегі кафедра ашылды, деп хабарлады ҚР ҰЭМ.

Мұндай кафедраның ашылуымен монополияға қарсы реттеу шеңберінде білім беру сипатындағы өзекті мәселелердің бірі шешіледі. Нарық субъектілерінің арасында монополияға қарсы реттеу нормаларын нақты түсінудің болмауы және мемлекеттік органдар мамандарының бәсекелестік құқықты жеткілікті білмеуііскерлік белсенділіктің төмендеуіне әкеп соғады, монополияға қарсы заңнаманың нормаларына қайшы келетін шаралар мен шешімдер қабылдауға алғышарттар жасайды және тұтастай алғанда ел экономикасына теріс әсер етеді.

Монополияға қарсы реттеу мәселелері оқу орындарында ішінара оқытылады, бірақ, мысалы Еуропа елдерінде монополияға қарсы реттеу мамандарын даярлау жеке мамандық ретінде жүзеге асырылады.  

2015 жылғы 27 тамызда Қазақстан Республикасы Ұлттық экономика министрлігінің Табиғи монополияларды реттеу және бәсекелестікті қорғау комитеті (ТМР ж БҚК), Л.Н. Гумилев атындағы Еуразия ұлттық университеті (ЕҰУ) және «Бәсекелестік саясатты дамыту және қорғау орталығы» АҚ арасындағы ынтымақтастық туралы шартқа сәйкес«Экономикалық теория және монополияға қарсы реттеу» атты кафедра ашылды.

Бірлескен бастаманы іске асыру нарыққа қажетті бәсекелестік құқық білімі бар мамандар даярлауға мүмкіндік береді. Мұндай мамандар  монополияға қарсы норманы қолдану ерекшелігін және т.б. білетін бәсекелестік құқық мәселелері жөніндегі сарапшылар ретінде ірі компаниялар арасында сұранысқа ие.   

 

Барлық жаңалықтар