Ұлыбританиядағы ҚР-ның елшісі Исландия Президентіне сенім грамотасын тапсырды
11 Қыркүйек, 2015 19:04
Рейкьявик қаласына сапары аясында қосымша қызметі бойынша Қазақстанның Исландия Республикасындағы елшісі Ержан Қазыханов Исландия Республикасының Президенті Олавюр Рагнар Гримссонға сенім грамотасы мен Қазақстан Республикасы Президенті Нұрсұлтан Назарбаевтың сәлемдемесін тапсырды.
ҚР СІМ хабарлағандай, кездесу барысында Елші Исландия Президентіне Мемлекет басшысының «Нұрлы жол» халыққа Жолдауы мен «Қазақстан - 2050» стратегиясының басым бағыттарын таныстырды, сонымен қатар, «Астана ЭКСПО-2017» мамандандырылған көрмесіне дайындық барысы туралы хабардар етті.
Өз кезегінде Президент О.Р. Гримссон ҚР Президенті Н.Ә. Назарбаевқа оның басшылығымен Қазақстан саяси және экономикалық тұрғыда үлкен жетістіктерге жеткенін атап өтіп, жылы лебіздерін білдірді.
