Ұлттық музейде «Елбасы және Қазақ мемлекеттілігі» кітабы таныстырылды

«Қазақстан Ұлы дала мемлекеттілігінің ұрпағы. Бүгін Н.Назарбаев еліміздің мемлекттілігіне терең талдау жасады, оның құрылуы мен қайта жандануы айтылды. Біз Ұлы дала аймағында қайта туған Қазақстанда өмір сүрудеміз. Бұл жаңа мемлекеттілік, осыған дейінгі кезеңдерге ұқсамайтын мемлекеттілік. Президент біздің бай да терең тарихымыз бола тұра, ата-бабаның салып кеткен атағымен күн кеше алмайтындығымызды айтты. Ол өткен күн, біз жаңа мемлекет құрудамыз», - деді Қ.Сұлтанов.

Оның айтуынша, кітап Елбасы Нұрсұлтан Назарбаевтың қызметі мен оның салиқалы саясатына арналған.

«Менің кітабым өте қарапайым. Кітапта бейнеленген оқиғаларға ҚР Үкіметінің құрамында Баспасөз және ақпарат министрі ретінде жеке қатыстым.Біздің тұрақты мемлекетіміздің жағдайы- Елбасы мен оның дипломаттылығының арқасы», - деді ол.

Айта кетейік, шараға атақты ғалымдар, тарихшылар және ҚР Ұлттық мемлекеттік кітаптар палатасының өкілдері қатысты.

Анар Тәңірқұлова