Түркітілдес мемлекеттерге Каспий теңізінің әлеуетін арттыру керек - ҚР Президенті

 «Мен АӨСШК  отырысында Азиядағы ынтымақтастық, қауіпсіздік және даму ұйымын жасақтауды ұсындым. Менің ойымша бұл жобалар аймақтағы тұрақтылықты дамытуда өте маңызды және мемлекеттеріміз арасындағы коммуникативті жолдар бүтін бір көпірге айналады, сондықтанда  Каспий теңізінің әлеуетін арттыру керек», - деді Мемлекет басшысы.

Президент мәлімдегендей Қазақстан үшін мульти модальды көлік дәлізі де өте маңызды.

«Жақын арада құрылысы аяқталатын «Батыс Еуропа-Батыс Қытай» автомагистралі біздің аймақ үшін өте маңызды. Біз «Нұрлы Жол» бағдарламасының басты бағыты болып есептелетін бұл жобаны аяқтаймыз деген ойдамыз. Көлік инфарқұрылымын дамыту өте маңызды, сондықтанда заманауи Жібек жолы мен бұл туристік өнімді бізге мақұлдаған жөн», - деп атап өтті Елбасы.

Сонымен қатар, Елбасы толықтырып кеткендей, Қазақстан үшін ядролық энергетиканы дамыту да өте маңызды.

«Ағымдағы жылы Қазақстан ДСҰ мүшелікке енді. Ал, 2017 жылы халықаралық мамандандырылған ЭКСПО-2017 көрмесін өткізбенкшіміз, сондықтанда бізді болашақ энергиясы тақырыбы қатты қызықтырады. Менің ойымша барлық түркітілдес мемлекеттер бұл шараға белсенді атсалысатын болады», - деді ҚР Президенті.

Естеріңізге сала кетейік, Астанадағы  Түркітілдес мемлекеттердің ынтымақтастық кеңесінің V саммиті өтуде. Түркітілдес мемлекеттер басшыларының кеңесі 2009 жылы 3 қазанда Әзірбайжанда Нахичевани қаласында құрылған болатын. Түркітілдес елдердің басын біріктіретін халықаралық ұйымға Қазақстан, Әзербайжан, Қырғызстан, Түрікменстан және Түркия кіреді.

Индира Қауметова