А.Бектаев: Қазақ хандығының 550 жылдығы Қазақстанның барлық халқын біріктірді
11 Қыркүйек, 2015 13:46
Бұл шаралар қазақстандықтар үшін тарихи әрі маңызды, себебі бұл оқиғалар барлық ұлт өкілдерін – Қазақстанның барлық халықын біріктірді, деді «Ауыл» партиясының төрағасы, ҚР Парламент Сенатының депутаты Әли Бектаев Strategy2050.kz. АА берген сұхбатында.
«Бұл шаралар қазақстандықтар үшін тарихи әрі маңызды, себебі бұл оқиғалар барлық ұлт өкілдерін – Қазақстанның барлық халықын біріктірді. Бүгін барлық өңірлердегі шараларға күллі этнос өкілдері қатысуда. Бұл хандықтың 550 жылдығы болғандықтан, патриоттық шара», - деді А.Бектаев.
Оның айтуынша, ҚР Президентінің мәдени-тарихи құндылықтарды сақтау бойынша жүргізіп отырған саясаты арқасында тарихи, терең, ауқымды шаралар өткізілуде.
«Оның ішінде Қазақ хандығының 550 жылдығын тойлау, «Мәдени мұра» бағдарламасы аясында жүзеге асырылып отырған 120 археологиялық және сәулет ескерткіштерін қайта қалпына келтірілуі жүзеге асып, Қазақстан тарихы бойынша 600 кітап шығарылды», - деді ол.
Ботагөз Айтжанова
