Сарапшы: Қазақ хандығының 550 жылдығына арналған конференция – ҚР тарихын меңгеруге серпін береді

11 Қыркүйек, 2015 12:49

Еуропа мен АҚШ-тан біздің әріптестеріміз жиналды, біз көкейімізде жүрген барлық мәселелерді талқылап, пікір алмастық. Аталмыш конференция Қазақстан тарихын меңгеру ғылымына серпін берді, деді Новосибирск мемлекеттік университетінің «Археология және этнографиялар» кафедрасының доценті, тарих ғылымдарының докторы Леонид Бобров Strategy2050.kz. берген сұхбатында.

«Мен Қазақстанда жылына 5-8 рет боламын. Әр келген сайын қазақстандықтардың қонақжайлығына тәнті болам, бүгінгі шара барлық мақтаудан жоғары. Маған Қазақстан үшін тәртіпке айналған ұйымдастырылу жағы емес, ғылыми тарапы көңіліме қонып отыр. Еуропа мен АҚШ-тан біздің әріптестеріміз жиналды, біз көкейімізде жүрген барлық мәселелерді талқылап, пікір алмастық», - деді Л.Бобров.

Оның айтуынша, бұл конференция Қазақ хандығының мерейлі мерекесіне орай ұйымдастырылып отырған осы сынды шаралардың мәресі.

«Біз бүгін Қазақ хандығының мерейлі мерекесіне орай жасалған жұмыстардың қорытындысын талқылаймыз. Мен Қазақстанның бес өңірінде болған конференцияларға қатыстым. Олар: Ұлытау, Көкшетау, Алматы, Астана. Кездесулердің бірінде біз Жәнібек хан баласының дулығасы туралы әңгіме өрбіттік. Бүгін 18 ғасырдың соңы мен 19 ғасырдың басындағы әскери ұйымдастырушылықты талқылаймыз», - деді Л.Бобров.

Ботагөз Айтжанова

Барлық жаңалықтар