ҚР ҰКП мен Аграрлық несие корпорациясы ауылдағы ШОБ өкілдеріне көмектеседі
Аталып өткендей, бұл келісім «Қазақстан Республикасы Ұлттық кәсіпкерлер палатасы туралы» 2013 жылғы 4-ші шілдедегі Қазақстан Республикасының Заңына сәйкес, кәсіпкерлік субъектілеріне және кәсіпкерлікпен айналысуға ұсыныс білдірген тұрғындарды қолдау жөніндегі іс шараларды жүзеге асыру мақсатында қолға алынған.
«Атамекен» Ұлттық кәсіпкерлер палатасы мен Корпорация кәсіпкерлік субъектілеріне және кәсіпкерлікпен айналысуға ұсыныс білдірген тұрғындарға қолдау көрсету аясында келесі іс шараларды өткізетін болады: ақпаратпен қамтамасыз ету, ауыл шаруашылық тауар өндірушілерін оқыту, заңды көмек көрсету, бизнес жоспар құру кезіндегі ақыл кеңес беру және қаржы алуға тиісті өтініштерді дайындау және қаржыландыру бағдарламалары бойынша қажетті құжаттарды қабылдау мен қарау жұмыстары.
Осылайша, тиімді әрі өзара әріптестіктің арқасында тараптар шағын және орта кәсіпкерліктің деңгейін көтеру арқылы еліміздегі кәсіпкерлік әлеуетті қазіргіден де жоғары дәрежеге артыруды жоспарлап отыр.
