Қазақстанда мүмкіндігі шектеулі балаларды тәрбиелеп отырған отбасылар онлайн қолдау қызметінің кеңесін алуда

11 Қыркүйек, 2015 11:43

ҚР Денсаулық сақтау және әлеуметтік даму министрлігі Қазақстан-Ресей медициналық университетімен бірлесе отырып (ары қарай - ҚРМУ) 2015 жылдың маусым айынан бастап мүмкіндігі шектеулі балаларды тәрбиелеп отырған ата-аналарға онлайн қолдау жобасы жүзеге асырып келеді, деп хабарлады Денсаулық сақтау және әлеуметтік даму министрлігі.

Аталған қызметтің жұмысы барысында мүмкіндігі шектеулі балаларды тәрбиелеп отырған 40 қазақстандық отбасы психологтардың көмегін алды.

Онлайн-қолдау қызметінің негізгі міндеті – мүгедек балаларды тәрбиелеп отырған азаматтарға психологиялық қолдау көрсету, отбасындағы қолайлы әлеуметік-психологиялық климатты, сонымен қатар, физикалық мүмкіндігі шектеулі тұлғалардың психологиялық саулығын қалыптастыруға жағдай жасау мақсатында мүгедек балалары бар отбасыларына кеңестік көмек беру болып табылады.

Қызметтің жұмысы білікті психологтардың қатысуымен «SKYPE» бағдарламасы арқылы жүзеге асырылады. Ол ата-аналарға үйден шықпай-ақ кәсіби психологиялық кеңес алуға мүмкіндік береді.

Мамандардың кеңесін алуға өтініш тәулік бойы 1411 телефон нөмірі бойынша қабылданады.

Онлайн қолдау қызметі жайында толық ақпаратты тұрғылықты мекенжай бойынша жұмыспен қамтуды және әлеуметтік бағдарламаларды үйлестіру басқармаларынан немесе ҚРМУ электронды мекен жайына (i-krmu@mail.ru) хабарласу арқылы алуға болады.

Естеріңізге сала кетейік, ағымдағы жылдың 17 ақпанында өткен ҚР Денсаулық сақтау және әлеуметтік даму министрлігінің кеңейтілген алқа мәжілісінде министрлік басшысы Тамара Дүйсенова биылғы жылы ҚР ДСӘДМ мамандары денсаулық сақтау және әлеуметтік-еңбек салалары жүйесінде көрсетілетін қызметтер сапасын арттыру мақсатында бірқатар белсенді шараларды қолға алатынын мәлімдеген болатын.

Барлық жаңалықтар