Астанада Елбасының қатысуымен Қазақ хандығының 550 жылдығына арналған салтанатты жиын өтуде (ФОТО)
11 Қыркүйек, 2015 11:12
Бүгін Астанадағы мерекелік шаралар легін Мемлекет басшысының, Сенат пен Мәжіліс депутаттарының, мемлекеттік органдардың, халықаралық қауымдастық өкілдерінің, шығармашылық зиялы қауым, өнер мен мәдениет қайраткерлерінің, сонымен қатар отандық және шетелдік БАҚ өкілдерінің қатысуымен Тәуелсіздік сарайында өтіп жатқан мерейтойлық салтанатты жиын бастады.
Дәл осы күні Астанада «Қазақ хандығынан Мәңгілік Елге» кітап көрмесі мен «Ұлы даланың өшпес тарихы» халықаралық ғылыми-тәжірибелік конференциясы өтеді. Оған Қазақстан, Иран, Мысыр, Белоруссия мен Қырғызстанның мәдениет, ақпарат, білім мен ғылым министрлері, белгілі ғалымдар, әлемнің 18 мемлекетінің мемлекеттік және қоғам қайраткерлері қатысады.
Бұдан басқа, Назарбаев Университетінде «Мәңгілік Ел» халықаралық ғылыми-тәжірибелік конференциясы өтеді, оған 1000-нан астам шетелдік және отандық ғалымдар, халықаралық сарапшылар, әлемнің 20 елінен келген бизнес-қауымдастық өкілдері қатысады.
Бұл күннің айтулы шарасы «Барыс» көпфункционалды мұз кешенінде өтетін «Мәңгілік Ел» мерекелік театрландырылған қойылымы болмақ.
Индира Кауметова
