ОҚО әкімдігі неміс инвесторларын ынтымақтасуға шақыруда

11 Қыркүйек, 2015 09:23

Оңтүстік Қазақстан облысының әкімі Бейбіт Атамқұлов Германияның Қазақстандағы Төтенше және Өкілетті елшісі Гидо Херцпен кездесті, шара барысында аймақ басшысы неміс кәсіпкерлерін 23 қазанда Шымкентте өтетін ll Халықаралық инвестициялық форумға қатысуға шақырды, деп хабарлады облыс әкімдігі.

«Оңтүстік Қазақстан ауыл шаруашылығы, мұнай өнімдері, құрылыс материалдары, металлургия мен уран өндіру мен өңдеуде мамандандырылуда. Оңтүстік Қазақстан трансформаторлар мен мата өндіруде көшбасшы болып саналады. Облыс аймағында фармпрепарат пен бензиннің республикалық көлемінің жарты бөлігі өндіріледі. Біз неміс инвесторларының қатысуымен жаңа өндірістің ашылуын қолдаймыз», - деді Б.Атамқұлв.

Тараптар екіжақты ынтымақтастық мәселелерін талқылады, өңірдің инвестициялық мүмкіндігін қарап, бірлескен жобаларды қарастырды.

Айта кетейік, ОҚО аймағында германиялық инвесторлардың қатысуымен 52 млрд теңгенің 3 инвестициялық жобасы жүзеге асырылуда.

ОҚО-ға жасаған сапары барысында Германия елшісі «Сарыарқа» курорттық аймағына барып, Оңтүстік Қазақстандағы неміс диаспорасымен кездеседі.