Шанхайлық бизнесмендер Астанаға инвестиция құяды

10 Қыркүйек, 2015 18:26

«Жерігілікті қамтуды дамытудың Ұлттық агенттігі «NADLoC» АҚ (ҚР ИДМ) «Астана - жаңа қала» АЭА бірлесіп қытайлық іскер топтың (Шанхай қаласы) өкілдерімен жұмыс кездесуін өткізді. Қытайлық тарап Қазақстанға бизнес болашағын бағалау үшін арнайы келген, деп агенттіктен хабарлады.

Шанхайдың Халықаралық саудаға көмектесу комитетінің (CPIT) хатшылығының басшысы Пань Гуоцзинь бастаған делегация құрамында тоқыма өнеркәсібі, заң, ІТ, көлік-логистика, брокер және көрме компанияларының өкілдері болды. Бұдан басқа, кездесуге Шанхай әлеуметтік зерттеулер академиясы директорының орынбасары Чжан Чжаоань қатысты.

«Қазақстан геосаяси өте қолайлы орналасқан және одан сіздердің елдеріңіз тек пайда көруі керек. Сондықтан да біз сіздердің жеңіл өнеркісіп, металды қайта өңдеу, логистика салаларындағы кәсіпорындармен серіктестік орнатуға мүдделіміз», - деп атап өтті Шанхайдың Халықаралық саудаға көмектесу комитетінің (CPIT) хатшылығының басшысы Пань Гуоцзинь.

«Біз өз тарапымыздан қызығушылық танытып отырған қытайлық кәсіпкерлерге қазақстандық кәсіпорындардың базасында жаңа өндіріс ошағын ашу үшін барынша ақпараттық қолдау көрсетуге дайынбыз», - деді «Жерігілікті қамтуды дамытудың Ұлттық агенттігі «NADLoC» АҚ төрағасы Қайрат Бектүргенев.

Тараптар «Жерігілікті қамтуды дамытудың Ұлттық агенттігі «NADLoC» АҚ мен CPIT арасындағы ынтымақтастықты жандандыруды, оның ішінде бірлескен өндіріс ошақтарын ашу туралы уағдаласты.

Барлық жаңалықтар