«Мерейлі отбасы» байқауына 20 ұлттың өкілі қатысты
10 Қыркүйек, 2015 15:46
«Мерейлі отбасы» ұлттық байқауына тек қазақ отбасылары ғана емес, Қазақстанның 19 ұлт өкілі қатысты, деп хабарлады ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия төрайымының орынбасары Ләззәт Сүлеймен ОКҚ-да өткен баспасөз конференциясында.
«Байқауға тек қазақ отбасылары ғана емес, Қазақстанның 19 ұлт өкілі қатысты. Олар: орыс, өзбек, украин, неміс, татар, тәжік, корей, поляк, әзірбайжан, ұйғыр, беларус, шешен, түрік, армян, башқұрт, авар, дүнген, күрт ұлтының өкілдері», - деді Л.Сүлеймен.
Сондай-ақ, шараға интернационалды отбасылар да қатысты.
Айта кетейік, «Мерейлі отбасы» ұлттық байқауының лауреатын анықтау комиссиясы Мемлекеттік хатшы Г.Әбдіхалықованың төрағалығымен іріктеу жұмыстарын жүргізді. Комиссия мүшелері үміткер отбасылардың материалдарын зерттеп, 32 отбасының ішінен халықтық дауыс беруге 16 отбасыны іріктеп алды. Байқаудың қорытындысы Астана қаласында 12 қыркүйек күні шығарылады.
Ботагөз Айтжанова
