• Басты
  • Л.Сүлеймен: Ағымдағы жылы «Мерейлi отбасы» байқауына қатысу үшін 2 285 отбасы өтініш берді
10 Қыркүйек, 2015 15:18

Л.Сүлеймен: Ағымдағы жылы «Мерейлi отбасы» байқауына қатысу үшін 2 285 отбасы өтініш берді

Ағымдағы жылы «Мерейлi отбасы» байқауына қатысу үшін 2 285 отбасы өтініш берсе, 2014 жылы олардың саны 1 298 отбасын құрады, деп хабарлады ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия төрайымының орынбасары Ләззәт Сүлеймен ОКҚ-дағы баспасөз конференциясында.
Л.Сүлеймен: Ағымдағы жылы «Мерейлi отбасы» байқауына қатысу үшін 2 285 отбасы өтініш берді

«Ағымдағы жылы «Мерейлi отбасы» байқауына қатысу үшін 2 285 отбасы өтініш берсе, 2014 жылы олардың саны 1 298 отбасын құрады. Өткен жылы әр аймақтан бір-бір отбасы қатысқан болатын, ағымдағы жылы қатысушылар санының көп болуына байланысты әр аймақтан екі отбасынан келіп қатысуда.  Бұл комиссияға шешуші кезеңге өтетін  әр отбасыны жіті зерттеп, іріктеп алуға мүмкін берді. Комиссия мүшелері үміткер отбасылардың материалдарын зерттеп, 32 отбасының ішінен халықтық дауыс беруге 16 отбасыны іріктеп алды», - деді  Л. Сүлеймен.

Сонымен қатар, ұлттық комиссия төрағасының орынбасары атап өткендей, байқауға қатысушылар қазақстандық БАҚ-та кеңінен насихатталды және халық олардың өмірбаянымен және отбасы мүшелерімен танысуға мүмкіндіктері болды.

Естеріңізге сала кетейік, «Мерейлi отбасы» ұлттық байқауы Елбасы Нұрсұлтан Назарбаевтың тапсырмасы аясында екі жыл қатарынан өткізіліп келеді.

Ботагөз Айтжанова

Барлық жаңалықтар