Балқаш-2 темір жол вокзалы күрделі жөндеуден кейін қайта ашылды

11 Қыркүйек, 2015 08:37

Күрделі жөндеудің арқасында Қазақстандағы ескі темір жолдардың бірі Балқаш-2 темір жол вокзалы көркейе түсті, деп хабарлады «ҚТЖ» ҰК» АҚ баспасөз қызметі.

40 жыл бұрын салынған қалалық вокзал жолаушылар мен қызмет көрсету персоналдарының тиімді жұмыс атқаруына бар жағдай жасалған жайлы вокзалдардың қатарына енді.

Осы уақытқа дейін күрделі жөндеу жұмыстары Елтай, Осакаровка, Ақтоғай, Шар, Лениногор, Атырау, Қазақстан, Қаратау темір жол вокзалдарында жүргізілген.

Темір жол көлігінің инфроқұрылымын кеңейту мен дамыту, жолаушыларға көрсетілетін қызмет түрлерінің жоғары деңгейде болуын қамтамасыз ету мақсатында вокзалдардағы жөндеу жұмыстары жыл сайын жүргізіледі.

Күрделі жөндеу барысында жабындық, қасбеттер жаңартылып, ішкі, сыртқы әрлеу жұмыстары жүргізілді. Вокзал аумағы көкжелектендіріліп, барлық желілер қалпына келтірілді.

Келер жылы Талдықорған, Үштөбе, Сары-Оба, Төңкеріс, Нұра, Огневка, Черемшанка, Шыңғырлау темір жол вокзалдарында күрделі жөндеу жұмыстарын жүргізу жоспарда бар.

Барлық жаңалықтар