Қазақстандық компаниялар қаптама өндірісі бойынша түрік технологияларын меңгеруде

10 Қыркүйек, 2015 19:21

Қаптама саласына қолдау көрсету аясында 6 отандық қаптама компанияларының мамандары Түркияда өндірістік тәжірибеден өтті, деп хабарлады «KAZNEX INVEST» АҚ.

Оқу турына «МК Пласт Тара» ЖШС (Алматы), «ИнтерМультиСервис»ЖШС (Алматы), «Полимер Пласт» ЖШС (Астана), «AstEtalonCrown» ЖШС (Теміртау), «Магнитка» ЖШС (Теміртау), «Технопром-Текс» ЖГШС (Павлодар) өкілдері қатысты.

Өндірістік тәжірибенің негізгі мақсаты қаптама өндірісінің технологиясын зерттеу және «IPACK TURKEY 2015» халықаралық қаптама көрмесіне қатысу.

Аталып өткендей, арнайы делегация Стамбул мен оның маңайында қағаз қаптамаларын, картон қаптамаларын, пластик қаптамаларын, биг-бег, металл қаптамаларын өндіретін кәсіпорындарды аралады.

Сонымен қатар, қазақстандық делегация Түркиядағы ірі «IPACK TURKEY 2015» халықаралық қаптама көрмесіне қатысты. Онда аталмыш салада пайдаланылатын технологиялар мен әлем бойынша өндірілетін қаптамалардың түр- түрі ұсынылды.

Барлық жаңалықтар