Р.Темірбеков: Ақмола облысының дене шынықтыру пәнінің мұғалімдері жобалық менеджмент негіздерін меңгерді (ВИДЕО)

10 Қыркүйек, 2015 15:34

Ақмола облысы Аршалы ауданының дене шынықтыру пәнінің мұғалімдері мен мектеп директорлары жобалық менеджмент негіздерін меңгерді, деп хабарлады Орталық Азияның Еуразия қорының атқарушы директоры Ринат Темірбеков «Strategy2050.kz» АА берген эксклюзивті сұхбатында.

«3, 2, 1 Старт!» бағдарламасының мақсаты мектеп оқушыларының бойына салауатты өмір сүру мәдениетін сіңіру болып табылады. Бағдарлама аясында Ақмола мен Алматы облыстарында зерттеу жүргізілді. Нәтижесі бойынша балалардың дене шынықтыру пәніне деген құлшылығы төмен екені анықтарлды», - деді Р. Темірбеков.

Аталып өткендей, пилоттық жоба Ақмола облысы Аршалы ауданында іске асырылды.

«Аталмыш жоба аясында біз дене шынықтыру пәнінің мұғалімдері мен мектеп директорларын жобалық менеджмент негіздеріне үйреттік», - деді Р. Темірбеков.

Бұдан басқа, ауданның 28 мектебінің 18-і қаржыландырылды. Яғни, спортық жабдықтармен және сәйкесінше әдістемелермен қамтамасыз етілді.

Естеріңізге сала кетейік, Ақмола облысының Арнасай ауылында «жасыл» технологиялар арқылы білім беру орталығының ашылуына орай аталмыш елді мекенге ҚР Парламент Мәжілісінің депутаттары пен Әйелдер істері және отбасылық-демографиялық саясат жөніндегі ұлттық комиссия мүшелері барды.

Ботагөз Айтжанова

Барлық жаңалықтар