Е.Ыдырысов: Қазақстан Түркі кеңесінің жан-жақты нығаюына және дамуына қызығушылық танытуда
10 Қыркүйек, 2015 14:32
Астанада ҚР Сыртқы істер министрі Ерлан Ыдырысовпен елордағы ТТМЫК V саммитіне қатысуға келген Түркітілдес мемлекеттер ынтымақтастық кеңесінің бас хатшысы Рамиль Гасановтың кездесуі өтті.
Кездесу барысында Р. Гасанов Түркі кеңесінің 2014-2015 жылдардағы қызметінің қорытындылары мен алдағы жоспарлары туралы хабарлап берді.
Тараптар ТМЫК мүше мемлекеттерінің Ұйым шеңберіндегі ынтымақтастығының басым бағыттарын талқылады.
Е. Ыдырысов Қазақстанның Түркі кеңесінің барша нығаюы мен дамуында мүдделі екенін айтып, түркітілдес мемлекеттердің ортақ тарихы, этностық, тілдік жақындылығы негізінде олардың мәдени-гуманитарлық жақындауына бағытталған ТМЫК қызметіне қазақстандық тараптың қажетті қолдау көрсетуге дайын екенін білдірді.
Министр, сонымен бірге, ТМЫК Бас хатшысының және тараптар сарапшыларының ТМЫК мерейтойлық саммиттің сапалы дайындығы бойынша жемісті қызметін атап өтті.
