Ақмола облысының тұрғындары «Денсаулық жолы-2015» акциясы аясында сапалы медициналық көмек алды
10 Қыркүйек, 2015 12:32
Ақмола облысында ауыл тұрғындары үшін кең ауқымды «Денсаулық жолы» акциясы өткізілді, оның аясында аймақтың 8 ауданы медициналық қабылдаумен қамтылды, деп хабарлады ІСБ жанындағы «Ақмола Медиа Орталығы» .
Шара 2011-2015 жылдарға арналған «Саламатты Қазақстан» мемекеттік бағдарламасы аясында жүзеге асырылды.
Ақмола облысының 8 ауданын медициналық жасақ аралады, олардың қатарында невропатолог, дерматовенеролог, кардиолог, офтальмолог, эндокринолог, отоларинголог, психолог және СӨС қалыптастыру қызметінің мамандары болды.
Акция аясында мамандар барлығы 450 адамды қабылдады.
Салауатты өмір салтын қалыптастыру қызметінің мамандары халықпен кездесіп, скринингтік бағдарламалар туралы түсініктеме берді.
«Денсаулық жолы» акциясы аясында облыстық норкологиялық оңалту орталығының мамандары да шалғайдағы елді мекендерді аралады.
