«Қолжетімді баспана» бағдарламасы аясында 2015 жылдың 8 айында 5,6 млн шаршы метр тұрғын үй пайдалануға берілді

«Қолжетімді баспана-2020» бағдарламасы 2012 жылы басталды. Бағдарлама аясында еліміз бойынша 26,6 млн шаршы метр тұрғын үй пайдаланылуға берілді. Оның ішінде 2 млн-нан астамы мемлекет қаржысы есебінен болса, қалғаны тұрғын ұй құрылысы үлесінен және ірі құрылыс компаниялармен салынды», - деп мәлімдеді вице-министр.

Сонымен қатар, Қ.Өскенбаев атап өткендей, 2014 жылы жоспар 6,9 бола тұрып 7,5 млн шаршы метр тұрғын үй пайдаланылуға берілді. Ағымдағы жылы жоспар мемлекеттік бағдарламаға сәйкес 7,1 млн шаршы метрді құрап отыр. «Біз сегіз айда 5,6 млн шаршы метр тұрғын үй пайдалануға бердік  бұл жоспардың 79%. Қалған 1,5 млн-ды жыл соңына дейін тапсырамыз деген ойдамын», - деді ол.

Вице-министрдің айтуынша,  8 айда құрылыс саласына 455,5 млрд теңге көлемінде инвестиция тартылды. «Бағдарлама аясында мына бағыттар бойынша жұмыстар жүзеге асырылуда: кезекте тұрғандай үшін үй салу; Тұрғын үй құрылыс жинақ банкінің желісі бойынша барлық санаттағы азаматтар үшін үй салу; «Бәйтерек» АҚ желісі бойынша үй салу (бұл «Нұрлы жол» бағдарламасын жүзеге асыру аясында), бұл «Самұрық-Қазына» қоры бойынша салынуда және жас отбасылар үшін де тұрғын үйлер салынуда», - деп толықтырды ол.

Индира Кауметова