БҰҰ ДБ ЭКСПО-2017-ге қатысатынын ресми түрде растады

10 Қыркүйек, 2015 09:13

БҰҰ-ның Нью-Йорктағы штаб-пәтерінде «ЭКСПО-2017» комиссары, ҚР сыртқы істер министрінің бірінші орынбасары Рәпіл Жошыбаев «ЭКСПО-2017» көрмесін таныстырды. Шара барысында әлемнің 70-тен астам дамушы елдері халықаралық көрмеге қатысуға қызығушылық танытты.

ҚР СІМ хабарлағандай, отырыс аясында Р.Жошыбаев Біріккен Ұлттар Ұйымы Даму бағдарламасының әкімшісі бас хатшының орынбасары Хелен Кларкпен кездесу өткізді. Тараптар дамуға ресми көмек мәселелерін, «KazAID» жобасы аясындағы ынтымақтастық басымдылықтарын, 2016-2020 жылдардағы Қазақстанның БҰҰ ДБ серіктестік бағдарламасын талқылады.

«Р. Жошыбаев қатысушыны «Болашақ энергиясы» тақырыбымен өткелі жатқан «ЭКСПО-2017» мамандандырылған көрмеге дайындық барысымен таныстырды. БҰҰ ДБ әкімшісі атап өткендей, таңдалынып алынған тақырып әлем үшін маңызды және осы саладағы Қазақстанның қосқан үлесі болмақ. Кездесу қорытындысы бойынша Х. Кларк «ЭКСПО-2017» комиссарына Астанада өтетін халықаралық көрмеге БҰҰ ДБ қатысатынын растайтын хат берді», - делінген хабарламада.

Барлық жаңалықтар