ОҚО-да ағымдағы жылы 2 мыңнан астам шағын бордақылау алаңдары ашылады – әкімдік

10 Қыркүйек, 2015 08:37

ОҚО-да мал шаруашылығын дамыту бойынша біршама жұмыстар қолға алыныпжыл соңына дейін 2735 шағын бордақылау алаңдары, 516 жанұялық сүт ферма, 41 сүт қабылдау бекеті, 16 шағын құс фермалары ашылатын болды, деп әкімдіктен хабарлады.

Ауыл шаруашылығы саласына бейім өңірде әртараптандыру бойынша жұмыстар жүргізіліп, мақта және бидайдың егіс алқаптары кемітілсе, көкөніс, картоп, бақша дақылдарының көлемі 3 мың гектарға ұлғайтылды. Ал жалпы егіс көлемі 785 мың гектарға жеткен.

Облыста ағымдағы жылы 850 мың тонна көкөніс, 1200 мың тонна бақша өнімдері, 85 мың тонна жеміс-жидек, 58 мың тонна жүзім өндіру жоспарлануда.

Бұл облыс халқының қажеттілігіне көкөністен 2 есеге, бақшадан 6 есеге, жеміс жидектен, жүзімнен 3 есеге артық.

Атқарылған жұмыстардың нәтижесінде, ауыл шаруашылығының жалпы өнім қөлемі 346,6 млрд теңгеге жетіп, нақты көлем индексі 105 % жеткізіледі.

Облыс халқының қажеттілігінен артық өнімдер Республикамыздың солтүстік өңірлері мен ТМД елдеріне, сонымен қатар алыс жақын шет елдерге экспортқа шығарылуда.

Барлық жаңалықтар