ҚР ДСӘДМ: «Саламатты Қазақстан» мемлекеттік бағдарламасы аясында 16 тікұшақ сатып алынды

9 Қыркүйек, 2015 17:06

«Саламатты Қазақстан» мемлекеттік бағдардамасы аясында 16 тікұшақ сатып алынса, 3 жыл ішінде 2600 ұшу мен 2500 медициналық қызмет көрсетілді, деп хабарлады ҚР денсаулық сақтау және әлеуемттік даму вице-министрі Алексей Цой ОКҚ-дағы баспасөз конферениясында.

«Қазақстанда 192 телемедициналық орталық жұмыс істейді, оларды пайдалану арқылы 2014 жылы 22 мыңнан астам консультация жүргізілді. Алғашқы санитарлық-медициналық көмек 2011-2015 жылдарға есептелген «Саламатты Қазақстан» мемлекеттік бағдарламасының басымдылық берілген бағыттарының бірі болып табылады. Алғашқы түйіннің жұмысын жақсарту мақсатында 2011 жылдан бастап психологиялық көмек қызметі ұсынылды. Бүгінде 3587 денсаулық мектебі, 252 денсаулықты нығайту орталығы, 101 темекіге қарсы орталық, 87 жастар орталығы жұмыс істейді», - деді А.Цой

Сонымен қатар, көлік медицинасы да дамып келеді. Вице-министрдің айтуынша, мемлекеттік бағдарлама аясында 16 тікұшақ сатып алынса, 3 жыл ішінде 2600 ұшу мен 2500 медициналық қызмет көрсетілді.

«Бұдан басқа, 50 жылжымалы медициналық кешен жұмыс істейді, 3 жыл ішінде 1,6 миллионнан астам адам тексерілді, 1,8 млн зерттеу мен 984 мың консультация жүргізілді», - деп толықтырды А.Цой.

Ботагөз Айтжанова

Барлық жаңалықтар