Қазақстанда шамамен 229 мың медициналық қызметкер еңбек етеді – ДСӘДМ
9 Қыркүйек, 2015 16:18
Қазақстанда шамамен 229 мың медициналық қызметкер еңбек етеді, деп хабарлады ҚР Президенті жанындағы Орталық коммуникациялар қызметінде өткен брифингте Денсаулық сақтау және әлеуметтік даму вице-министрі Алексей Цой.
«2015 жылдың 1 маусымынан бастап республика халқы 17,5 млн адамды құрады. Бүгінгі таңда медициналық көмекті 911 ауруханалық және 3164 амбулаторлық-емханалық ұйым көрсетіп отыр, оның ішінде 729 аурухана мен 2175 амбулаторлық-емхана мемлекеттік меншіктегі ұйымдар. Жалпы, республикада 229 мың қызметкер еңбек етеді, оның ішінде 70 мың дәрігер және 160 орта медициналық қызметкер бар», - деді А.Цой.
Оның айтуынша, өмір сүру ұзақтығы бойынша 2014 жылдың көрсеткіші 1995 жылмен салыстырғанда 8 жылға ұзарған.
«20 жыл ішінде жүрек талма ауруынан көз жұматындар саны 2,3 есеге, түберкулезден 5 есеге қысқарған, ана өлімі 6,6 есеге, сәби өлімі 2,8 есеге қысқарған», - деді вице-министр.
Ботагөз Айтжанова
