• Басты
  • Қытайлық тасымалдаушылар Құрғақ портта көліктік-логистикалық терминал жасақтауға мүдделі (ФОТО)

Қытайлық тасымалдаушылар Құрғақ портта көліктік-логистикалық терминал жасақтауға мүдделі (ФОТО)

9 Қыркүйек, 2015 16:37
Контейнерлік тасымал саласындағы ірі қытайлық China Railway Container Transport Corp көлік-логистикасы компаниясының делегациясы Қазақстанға «KTZE-Khorgos Gateway» Құрғақ порт жобасымен танысуға келді, деп хабарлады компанияның баспасөз қызметі.

«Халықаралық тасымал департаментінің диреткоры Жанг Вен бастаған делегация Құрғақ порттың қызметімен танысып, бірқатар нысандарды аралады және ынтымақтастық орнату болашағын қарастырды», - делінген хабарламада.

Келіссөздер барысында тараптар Қытай  Еуропа бағытында Қазақстан арқылы транзит бойынша жүк тасымалын арттыру және контейнерлік тасымалдау мүмкіндіктерін талқылады.

Кездесу қорытындысы бойынша «KTZE – Khorgos Gateway»  құрғақ портымен  ынтымақтастық жүргізу бойынша бірқатар келіссөздерді  жүргізу шешімі қабылданды.

 Қытайлық тасымалдаушылар  «Қорғас-Шығыс қақпасы» ЕЭА аймағында  көліктік-логистикалық терминалдың құрылуына қызығушылық танытып отыр.

Айта кетерлік жайт, CRCT  қытайлық темір жолдардың еншілес ұйымы.  CRCT ҚХР-ның темір жолы арқылы Еуропаға халықаралық контейнерлік тасымалдауларды жүзеге асыратын ірі оператор болып табылады.   Компанияның негізі  2003 жылы қаланған және Бейжіңде  орналасқан.

Барлық жаңалықтар