• Басты
  • Астанада ТМД-ға қатысушы мемлекеттердің білім беру саласындағы ынтымақтастық жөніндегі кеңесі 40 құжатқа қол қойды (ФОТО)

Астанада ТМД-ға қатысушы мемлекеттердің білім беру саласындағы ынтымақтастық жөніндегі кеңесі 40 құжатқа қол қойды (ФОТО)

9 Қыркүйек, 2015 15:37
Астанада ТМД-ға қатысушы мемлекеттердің білім беру саласындағы ынтымақтастық жөніндегі кеңесі 40 құжатқа қол қойды, деді ҚР Білім және ғылым министрі Аслан Сәрінжіпов ТМД-ға қатысушы мемлекеттердің білім беру саласындағы ынтымақтастық жөніндегі кеңесінің отырысында.

«ТМД-ға қатысушы мемлекеттердің  білім беру саласындағы ынтымақтастық жөніндегі кеңес ТМД елдерінде бірыңғай білім беруді қалыптастыру тұжырымдамасын жүзеге асыру бойынша мемлекетаралық бағдарламасын мақұлдады. Кеңес 27 отырыс өткізді, шараларда мемлекетаралық бағдарламаның барлық саласы мен жобаларды қарастыру мәселелері талқыланды.Қорытындысында, 40 құжатқа қол қойылды. Аталмыш құжаттарға қол қойылу  білім беру саласында жан-жақты ынтымақтастық тұрғысында нормативтік-құқықтық негіз құруға ықпал етеді», - деді министр.

Айта кетерлігі, ТМД-ға қатысушы мемлекеттердің  білім беру саласындағы ынтымақтастық жөніндегі кеңесі ТМД бірыңғай білім беру кеңістігін құру бойынша ынтымақтастық жүргізу бойынша келісімі аясында 1997 жылдың 17 қаңтарында жүзеге асты. Келісімге Әзірбайжан, Армения, Беларусь, Қазақстан, Қырғызстан, Молдова, Ресей, Тәжікстан қол қойды.

2016 - Тәуелсіз Мемлекеттер Достастығының Білім жылы; ТМД-ға мүше мемлекеттердің білім беру саласының қызметкерлері мен мұғалімдерінің съезі; ТМД кеңістігінде WorldSkills қозғалысын дамыту; ТМД-ға мүше мемлекеттердің Халықаралық рухани білім берудің желілік университеті жобасының Ережесі.

Индира Кауметова

Суретке түсірген Азамат Әлиев

Барлық жаңалықтар