Астанадағы коммуналдық базарда ауыл-шаруашылығы өнімдері өндірушілердің бағасымен саудаға шығарылатын болады (ФОТО)

Меморандумқа қол қоюға ҚазАгро» ұлттық басқарушы холдингі» АҚ басқарма төрағасының орынбасары Айгүл Мұхамедиева мен «Astana» әлеуметтік-кәсіпкерлік корпорациясы» ұлттық компаниясы» АҚ басқарма төрағасы Арман Рамазанов қатысты.

Құжатта аталып өткендей, тараптар Астана базарларында отандық тауарларға қол жетімділікті, сонымен қатар Қазақстанның агроөндіріс секторының өнімдерін өткізуді қамтамасыз етуде күш біріктірмекші.

«Коммуналдық базар Астана қаласы әкімдігіне тиесілі және «Astana» әлеуметтік-кәсіпкерлік корпорациясы» компаниясының басқаруына берілген. Бүгінде негізгі саудамен бір-бірінен сатып алушылар айналысады. Осы жағдайды болдырмау үшін біз  «ҚазАгро» холдингісімен меморандумға отырдық. Яғни ауыл шаруашылығы тауарын өндірушілер «Шапағат» базарында өз өнімдерін тікелей ұсына алады, осылайша баға айтарлықтай төмендейді. Біз таураөндірушілердің бағасымен саудаға шығаратын боламыз десек болады», - деді А.Рамазанов.

Басқарма төрағасының айтуынша, «ҚазАгро» компаниялар тобының заемшыларына «Шапағат» коммуналды базарында жалға сауда орыны берілетін болады. Осылайша олар өз өнімдерін саудаға шығарады. ӘКК меморандум аясында ауылшаруашылығы тауарын өндірушілер мен «ҚазАгро» холдингін босаған орын туралы хабардар етіп отырады.

Ботагөз Айтжанова