Алматыда ДДҰ-ның алғашқы медициналық-санитарлық көмек көрсету кеңсесі ашылады

«Кеңсені ашудағы негізгі мақсат  алғашқы медициналық көмекті күшейту болып отыр. Кеңсенің басты міндеттері  медициналық алғашқы көмекті дамытуға айрықша көңіл бөліп, денсаулық сақтау жүйесін жаңарту, инфекциялық және инфекциялық емес ауруларға қарсы инновациялық шараларды қолдану, медициналық көмекті көрсетуде үзіліссіздік, үйлесімділік пен ықпалдасуды қамтамасыз ету, стационарлық емдеуді қайта қарастыру, пациенттерді және өмірдің әртүрлі кезеңдерінде ауруладың жай-күйін қадағалау үшін қажетті жоғары сапалы функциялық және инновациялық білім мен нақты деректерді ұсыну. Іс жүзінде кеңсені ашу Еуропа өңірі үшін ғана емес, сондай-ақ бүкіл әлем елдері үшін де денсаулық сақтау саласындағы екі жақты жобаларды кеңейтуге, зерттеулер жүргізуге мүмкіндік береді», - деді ҚР Денсаулық сақтау және әлеуметтік даму министрі Тамара Дүйсенова заң жобасын таныстыру барысында.

Аталып өткендей, кеңсе өз қызметін ДДҰ-ның екі жылдық жоспарына сәйкес жүзеге асырады.

«Кеңсенің стратегиялық жоспары мен бюджеті ДДҰ Еуропалық өңірлік бюросының жалпы стратегиялық бағдарламалық бюджетіне кіреді және оны ұйымның еуропалық өңірлік комитеті бекітеді. Бұл келісім күшіне енгеннен кейін әр бес жыл сайын кеңсенің қызметіне орта мерзімді бағалау жүргізілмек», - деді ведомсвто басшысы.

Анар Тәңірқұлова