Мәжіліс Қазақстан мен Қырғызстан арасында рұқсат құжатынсыз жүк тасымалдау келісімін ратификациялады
9 Қыркүйек, 2015 12:26
Мәжілісте «2003 жылғы 25 желтоқсандағы Қазақстан Республикасының Үкіметі мен Қырғыз Республикасының Үкіметі арасындағы халықаралық автомобиль қатынасы туралы келісімге өзгерістер енгізу туралы хаттаманы ратификациялау туралы» заң жобасы мақұлданды.
«Бүгінгі күні үкіметаралық келісімге сәйкес, екі жақты транзиттік тасымалдар, сондай-ақ үшінші елдерден немесе үшінші елдерге тасымал рұқсатсыз негізде реттеледі. Алайда рұқсатсыз жүк тасымалдары жүйесі қазақстандық тасымалдаушыларға теріс әсер етеді. Сондықтан келісімге өзгерістер енгізіп, үшінші елдерден немесе үшінші елдерге тасымалдауға рұқсат жүйесін енгізу ұсынылып отыр», - деп атап өтті өз баяндамасында ҚР Инвестициялар және даму министрі Әсет Исекешев.
Оның сөзінше, бұл отандық тасымалдаушыларды қорғауға мүмкіндік береді.
Жалпы, Қазақстан мен Қырғыз Республикасы арасындағы автомобиль тасымалының көлемі жыл сайын артып келеді. Өткен жылғы өсім 19 пайызды құраған.
