1 қазанда «Болашақ» бағдарламасы бойынша құжаттар қабылдау аяқталады

9 Қыркүйек, 2015 13:46

«Халықаралық бағдарламалар орталығы» АҚ баспасөз қызметі үшінші кезең шеңберінде «Болашақ» халықаралық стипендиясын тағайындау конкурсына қатысу үшін құжаттар қабылдау 2015 жылғы 1 қазанда аяқталатындығын хабарлайды, деп хабарлады «Халықаралық бағдарламалар орталығы» АҚ баспасөз қызметі.

Байқауға қатысу үшін үміткерлер «Болашақ» халықаралық стипендиясын тағайындау үшін үміткерлерді іріктеу қағидаларында тізбесі белгіленген құжаттардың толық пакетін ұсыну қажет.

Құжаттарды Халыққа қызмет көрсету орталықтары және «Egov» «электрондық үкімет» порталы арқылы тапсыруға не «Халықаралық бағдарламалар орталығы» АҚ-ға ұсынуға болады.

«Құжаттарды алдын ала, соңғы күнді күтпей тапсырған жөн, жеке іске жасалған ескертулерді жоюға қосымша уақыт қалдырған абзал. Құжаттардың толық емес пакеті тіркеуге жатпайды және конкурсқа жіберілмейді», - дейді Конкурстық рәсімдерді ұйымдастыру департаментінің директоры Гайни Есембекова.

2015 жылы құжаттарды қабылдау үш кезеңнен тұрады: бірінші кезең – 13 сәуір - 8 мамыр, екінші кезең – 8 маусым - 10 шілде, үшінші кезең – 10 тамыз - 1 қазан.

Барлық жаңалықтар