Ұ.Қарабалин: Қазақстанда ішкі нарыққа қыркүйек айында 110 мың тоннаға жуық бензин жеткізіледі

9 Қыркүйек, 2015 12:11

Қазақстандағы бензин бағасы Ресейдегі бағаға тәуелді. Алайда қыркүйекте 110 мың тоннаға жуық бензин Қазақстанның ішкі нарығына жеткізіледі, деп хабарлады ҚР энергетика министрлігінің бірінші вице-министрі Ұзақбай Қарабалин ОКҚ-дағы баспасөз конференциясында.

«Кажетті көлемнің үштен бір бөлігін Ресейден сатып аламыз. Және Ресейде Қазақстанға алып келетін, сататын біздің трейдерлеріміз бар. Яғни онда келісім шарт бойынша көтерме сатып алу, демек бағаны сатушы нарықтық жағдайға байланысты өзі бекітеді», - деп түсіндірді Ұ.Қарабалын.

Вице-министр атап өткендей, бүгінде Қырғызстанда жанармай бағасы 160 теңгені құрап отыр. Ал, Қазақстанда бензин бағасы ресейлік бағамен теңесті.

«Бұл шара өте орынды болды. Трейдерлер келісім шартқа отырды. 1-нен бастап 22 мың тонна бензин алып келінді және тағы 11 мың тонна жолда келе жатыр, шамамен 80 мыңға дейін келісім жасалынған. Біздің пайымымызша келісім шарт бойынша тағыда шамамен 30 мың тона қосымша алып келінеді. Осылайша қыркүйекте ішкі нарыққа110 мың тоннаға жуық бензин жеткізіледі», - деді бірінші вице-министр Ұ.Қарабалин.

Барлық жаңалықтар