Қазақстанда АЭА-да жұмыс істеп жатқан инвесторларға жағдай жасалуда

«Өткен жылы инвестиция бойынша заң жобасы қабылданды, онда жасалған инвестициялық келісімдер аясында 10 жылға заңнамаға тұрақтылық принципін енгізу қарастырылған. Аталмыш заң жобасында да осы принипті енгізу көзделіп отыр. Яғни, инвесторлардың арнайы экономикалық аймаққа сенімді кіруіне және жобаны жүзеге асыру барысында салық жүйесіне сенімді болуы үшін жағдай жасау болып табылады», - деді ҚР инвестициялық және даму миинистрі Әсет Исекешов.

Оның айтуынша, қазіргі таңда АЭА-лардың өндіріс көлемі  816 млрд теңгені көрсетсе, 9 230 жұмыс орны бар.

«сегіз АЭА-да инфрақұрылымдар құрылысы аяқталды немесе аяқталу кезеңінде, 2019 жылы тағы екі аймақта  Павлодар, Атырау қалаларында инфрақұрылым құрылысы толығымен аяқталады. Бұл бізге АЭА-ларды жобалармен толықтыру кезеңіне көшуге мүмкіндік берді. Бүгінде АЭА-ларда 130-ден астам жоба жүзеге асырылуда тағы 90 жоба бойынша жұмыстар жүргізілуде. Жалпы, АЭА-лардың өндіріс көлемі  816 млрд теңгені көрсетсе, 9 230 жұмыс орны бар», - деді министр.

Сонымен, ҚР Парламенті Мәжілісінің депутаттары бірінші оқылымда «Арнайы экономикалық аймақтарды жетілдіру мәселелері бойынша Қазақстан Республикасының кейбір заңнамалық актілеріне өзгертулер мен толықтырулар енгізу туралы» заң жобасын қабылдады. Аталмыш заң жобасында «Салық және өзгеде міндетті бюджеттік төлемдер туралы» Кодекске, құрылыс саласындағы заңнамаға  өзгертулер мен толықтырулар енгізу көзделген.

Анар Тәңірқұлова