Мәжіліс бірінші оқылымда құрылыс және жобалау сапасын арттыру туралы заң жобасы қабылдады

9 Қыркүйек, 2015 11:23

«Қазақстан Республикасының кейбір заңнамалық актілеріне құрылыстағы баға белгілеу, сәулет-құрылыс бақылауын, сондай-ақ объектілерді пайдалануға қабылдауды жүзеге асыру мәселелері бойынша өзгерістер мен толықтырулар енгізу туралы» заң жобасын бірінші оқылымда мақұлдады.

Заң жобасының негізгі мақсаты – сәулет-құрылыс қызметі саласындағы бақылау мен қадағалаудың қолданыстағы жүйесін, сондай-ақ құрылыстағы баға белгілеуді, мемлекеттік нормативтерді және рұқсат беру жүйесін жетілдіру.Заң жобасы бойынша Азаматтық және Әкімшілік құқық бұзушылық кодекстеріне, бұған қоса, сәулет, қала құрылысы, мемлекеттік бақылау және қадағалау, мемлекеттік мүлікке қатысты үш заңға өзгерістер мен толықтырулар енгізу көзделген.

«Бұл өзгерістер құрылыс және жобалау сапасын, сонымен қатар, құрылыс саласындағы менеджмент деңгейін арттыруға, жаңа технологияларды және тиісті сметалық нормаларды енгізуді жылдамдатуға, инвестициялар тартуға, сәулет, қала құрылысы және құрылыс қызметі саласындағы заңдардың талаптарын қатаң сақтауды қамтамасыз етуге бағытталған», - деп хабарлады Экономикалық реформа және өңірлік даму жөніндегі комитетте.

Заң жобасына депутаттар «Ұлт жоспары – 100 нақты қадам. Баршаға арналған қазіргі заманғы мемлекет» жоспарын іске асыру аясында түзетулер енгізді. Сондай-ақ заң жобасының жекелеген нормалары мен мазмұнын нақтылауға бағытталған өзгерістер енгізілген.

Барлық жаңалықтар