Мәжілісте «Өзін өзі реттеу туралы» заң жобасы бірінші оқылымда мақұлданды

9 Қыркүйек, 2015 10:59

ҚР Парламенті Мәжілісінде «Өзін өзі реттеу туралы» заң жобасы бірінші оқылымда мақұлданды. Аталмыш заңжобасы Президенттің 2014 жылдың №27 ақпандағы «Қазақстан Республикасындағы кәсіпкерлік қызмет үшін жағдайды жақсарту бойынша бірегей шаралар туралы» Жарлығын және Елбасының 2014 жылдың 14 сәуірде Инвесторлардың ұлттық кеңесінде берген тапсырмаларын жүзеге асыру мақсатында жасақталды.

«Мемлекет кәсіпкерлік қызмет үшін қолайлы жағдай жасау мақсатында әкімшілік кедергілерді алып тастау және процедураларды жеңілдету бойынша бірегей шараларды қолға алуда. Өздеріңіз білетіндей, 2011-2012 жылдары рұқсат беретін құжаттарды оңтайландыру екі кезеңде жүзеге асырылды. Олардың әр қайсысы 30%-ға рұқсат беруді қысқартты. 2014 жылдың 5 қыркүйегінде өткен Парламенттің V шақырылымында Елбасы рұқсаттар санын тағы 50%-ға қысқартуды тапсырды. Аталмыш жұмыс бүгінде жүзеге асырылуда», - деді ҚР ұлттық экономика министрі Ерболат Досаев.

Оның айтуынша, көрсетілген шаралар нарықты реттейтін баламалы механизмдерді тезірек қабылдауды қажет етеді.

«Өзін-өзі реттеу туралы заңжобасы қазақстандық қоғамның құқықтық қарым-қатынасына кәсіпкерлік және кәсіби қызметті реттеудің жаңа институтын енгізеді», - деп атап өтті ол.

Аталып өткендей, Мәжілісте бірінші оқылымда «Өзін-өзі реттеу мәселелері бойынша Қазақстан Республикасының кейбір заңнамалық актілеріне өзгертулер мен толықтырулар енгізу туралы» заң жобасын бірінші моқылымда мақұлдады.

Анар Тәңірқұлова

Барлық жаңалықтар