• Басты
  • Алғаш рет ҚР Қарулы Күштерінде жауынгерлік әзірліктің ең ауқымды тексерісі басталды (Фото)
8 Қыркүйек, 2015 19:25

Алғаш рет ҚР Қарулы Күштерінде жауынгерлік әзірліктің ең ауқымды тексерісі басталды (Фото)

ҚР ҚК Жоғарғы Бас Қолбасшысының тапсырмасы бойынша бүгін кенеттен тексеру басталды. Толық жауынгерлік әзірлікке Қазақстанның бес облысы, яғни, Шығыс Қазақстан, Алматы, Жамбыл, Оңтүстік Қазақстан және Батыс Қазақстан әскери қызметшілерінің күштері келтірілді, деп хабарлады Қорғаныс министрлігі.
Алғаш рет ҚР Қарулы Күштерінде жауынгерлік әзірліктің ең ауқымды тексерісі басталды (Фото)

Мұндай ауқымды тексеріс ҚР Қарулы Күштерінде бірінші рет өткізіліп отыр. Пәрмен бойынша бір уақытта жоғарыда аталған облыстарда 10 000-ға жауық әскери қызметші, Құрлық әскерлерінің 20-дан астам бөлімшелері, 2 000-нан астам бірлік техника көтерілді, ал жөнелту үшін 17 эшелон тартылды. Алдағы апта ішінде әскерлер оқу-жауынгерлік тапсырмаларды, оның ішінде Іле өзенінің су бөгетін алмастыруды пысықтайды, ҚР ҚК Әуе қорғанысы күштерімен әуеден қолдау жүзеге асырылатын болады.  

Әскерлердің іс-қимыл барысын ҚР Қорғаныс министрі Иманғали Тасмағамбетов пен ҚР ҚК Бас штабының бастығы генерал-полковник Сәкен Жасұзаков бақылап отырды. Олар Қапшағай қаласындағы «Берег» оқу-жаттығу орталығына барды, онда 4 000 әскери қызметші, шамамен 1 800 бірлік техника мен қару-жарақ, 10-нан астам батальон жеке құрамы шоғырландырылды. Тексеріс нәтижесінде шартты заңсыз қарулы құралымдар оқшауланып, жойылады, оларға ведомствоаралық топтамалардың соққы күштерімен тойтарыс беріледі.

«Қазіргі уақытта тексеріске тартылатын құрамалар мен әскери бөлімдер жауынгердік әзірліктің жоғары дәрежесіне келтіру жөніндегі іс-шараларды орындауда, марш жасауда. Толық жауынгерлік әзірлікке келтірілгеннен кейін тексерілетін әскерлер олардың ұдайы орналасу пункттерінен үлкен қашықтықта орналасқан таңсық полигондарға жиналады», - деп қорғаныс ведомствасының министрі Иманғали Тасмағамбетов оқиға желісін түсіндірді.

Бүгінгі күні әлемнің көптеген өңірлерінде мемлекеттік бастамаларды босаңсытуға талпынған экстремистік, лаңкестік және сепаратистік ұйымдардың жандануына байланысты жағдайдың тұрақсыздандырылуының  елеулі қауіп-қатері туындауда. Мұндай тексеріс түрін өткізу әскерлердің далалық машығының деңгейін арттыру ісінде кезекті қадам болмақ. Дағдарыстық аудандарда бірлескен арнайы әскери операцияларды дайындау және жүргізуді пысықтау өзекті және қазіргі заманғы геосаяси өзгерістердің маңызды факторларымен қабылданған.


 

Барлық жаңалықтар