Астанада әскерге дейінгі жастар арасында әскери-спорттық слет өтті
Биыл алғашқы әскери-спорттық эстафетасында оған қатысушылар автоматты бұзып-құрастыру, пневматикалық мылтықтан ату және денешынықтыру бойынша 1 шақырымға жүгіріп, білтемірге тартылудан сынақ тапсырды.
ҚР Президенті жанындағы Жастар саясаты жөніндегі кеңестің 5 жылдығына орай өткізілген жауынгерлік жарыстың қорытындысы бойынша № 71 мектеп-лицейдің командасы бірінші орын алды. Ал, № 4 мектеп-гимназияның оқушылары жүлделі екінші орынды иеленсе, Гуманитарлық колледж студенттері үшінші орыннан көрінді.
Астана қаласының Қорғаныс істері жөніндегі департаменті мектеп оқушылары арасындағы осындай іс-шараны тоқсан сайын өткізуді жоспарлап отыр. Бұндай шаралар жастар арасында патриоттық тәрбиенің деңгейін арттырып, спорттық шеберлікті жетілдіруге, салауатты өмір салтын насихаттауға және Отан қорғаушы мамандығын белсендіруге оң ықпал етеді.
