Қазақстандық ғарышкер А.Айымбетовты Астанаға «Қазавиақұтқару» АҚ тікұшағымен жеткізеді
8 Қыркүйек, 2015 13:09
Халықаралық ғарыш стансасына сапарынан жерге оралатын Айдын Айымбетовты елордаға «Қазавиақұтқару» тікұшағы жеткізетін болады, деп хабарлады ҚР ІІМ ТЖ комитеті «Қазавиақұтқару» АҚ баспасөз қызметі.
Қазақ ғарышкері мен экипаж мүшелері Геннадий Падалка, Андреас Могенсен және қарсы алушы топ өкілдерін тасымалдауға ҚР ІІМ ТЖК «Қазавиақұтқару» АҚ-ның 2 тікұшағы: «МИ-8» және «Еврокоптер-45» сақадай – сай тұр.
Айта кетейік, Айдын Айымбетов 2 қыркүйек күні СОЮЗ ТМА 18 М ғарыш кемесімен Халықаралық ғарыш стансасына ұшқан болатын. Отандасымыз мұнда бірқатар ғылыми тәжірибелер, атап айтсақ экология, физика және медицина саласында зерттеулер жүргізуде. Сондай-ақ, бұл күндері қазақ ұлттық тағамдарын ғарышкерлер рационына енгізу тәжірибеден өткізіліп жатыр.
