Маңғыстау облысында жергілікті қамтуды дамыту бойынша 105 меморандумға қол қойылды

«Осы жылдың 8 айының ішінде жергілікті қамтуды дамыту бойынша 309,8 млрд теңгенің 105 меморандумына қол қойылды. Аталмыш меморандумдар аясында 287,2 млрд теңгенің 315 келісім шарты жүзеге асты. Бұл меморандумдардың  құнының 92,7 пайызын құрап отыр», - деді Маңғыстау облысы кәсіпкерлер палатасының директоры Жаңбырбай Доспаев.

Оның айтуынша, өңірлік кәсіпкерлер палатасының бастамасы бойынша кәсіби білімі бар кадрларды дайындау саласында үшжақты келісімге қол қойылды.

«Бүгінгі таңда өңірлік кәсіпкерлер палатасының бастамасы бойынша кәсіби білімі бар кадрларды дайындау саласында 15 мамандық бойынша 14 колледж және Маңғыстау облысының 26 кәсіпорнымен үшжақты келісім орнатылды. Келісім «кәсіпорын – колледж – студент» тізбегін қарастырады, 402 оқушы қол қойды. «Ақтау мұнай электронды компания» ЖШС мен мұнай саласындағы 3 колледжбен келісім орнатылды. «Марин Болашақ» ЖШС мен «Берекет-Ф» ЖШС негізінде  біліктілікті арттыратын 2 оқыту орталығы ашылды», -- отметил Ж. Доспаев.

Сондай-ақ, «Бизнес-мектеп» жобасы аясында бизнес-бапкерлер  «Бизнес-кеңесші» жобасы бойынша 22 тыңдаушыны оқытты. 624 адам сертификат алды, оның 380 – ауыл тұрғындары. Оқытылған 534 адам өз бизнесін ашуды жоспарлауда.