ҚР-да «Азаматтар үшін үкімет» мемлекеттік корпорациясын жасақтау жоспарлануда

8 Қыркүйек, 2015 10:44

Заңнамаға «Азаматтар үшін үкімет» мемлекеттік корпорациясы» терминін енгізу бұл корпорация қызметін мемлекеттік қызметтердің бірыңғай провайдері екенін білдіретін болады, деп хабарлады ҚР инвестициялар мен даму вице-министрі Сәкен Сәрсенов «Мемлекеттік қызметтерді көрсету мәселесі бойынша Қазақстан Республикасының кейбір заңнамалық актілеріне өзгертулер мен толықтырулар енгізу туралы» заңжобасын Мәжілісте таныстыру барысында.

С.Сәрсенов баса айтқандай, ХҚКО басты артықшылығы жемқорлық тәуекелдерін қызметке бірдей қолжетімділікті қамтамасыз ету, барлық қызметтерге бір жерде қолжеткізу, орындаушы мен халықтың арасындағы тікелей байланыс арқылы алынып тасталды. Алайда ХҚКО өтініш қабылдауға және қажетті құжатты беруге ғана жауап береді.

Мемлекеттік корпорацияны құру әлеуметтік қорғау, жер қатынастары, жылжымайтын мүлікті рәсімдеу сынды басты РММ-дарды біріктіру арқылы жүзеге асырылады.

«ХҚКО беріліп отырған оң бағаны ескере отырып бұл бірігу олардың базасында жүзеге асырылады. Канадалық тәжірибені ескере отырып бірінші кезекте жер қатынастары, әлеуметтік төлемдер мен зейнетақы, жылжымайтын мүлік қызметтерін беру ұсынылуда», - деп түсіндірді С.Сәрсенов.

Заңжобасының негізгі мақсаты вице-министр түсіндіріп кеткендей, мемлекеттік қызметтерді көрсету сапасын түбегейлі өзгерту және мерзімін қысқарту, орталықтандырылған жүйені құру болып табылады. Сонымен қатар, жобада мемлекеттік қызмет көрсету сапасының бірыңғай стандартын енгізу, ашықтықты және қолжетімділікті арттыру жоспарланған.

Осы ретте жұмыс істеп жатқан мемлекеттік органдардың өзара қарым-қатынасы еш өзгеріссіз қалады.