Астанада жыл соңына дейін мембағдарлама аясында 6 тұрғын үй кешені салынады
8 Қыркүйек, 2015 11:03
Астанада «Қолжетімді баспана - 2020» бағдарламасы аясында 2 мыңға жуық пәтерге есептелген он көп қабатты тұрғын үйдің құрылысы жүргізіліп жатыр, деп хабарлады елорда әкімдігінің ресми сайты.
Қазіргі уақытта жыл соңына дейін жалпы ауданы 53,9 мың шаршы метрлік 998 пәтерлік 6 тұрғын үй кешені салынуда.
Астана қаласы Құрылыс басқармасының мәліметінше, «Қолжетімді баспана – 2020» бағдарламасы аясында қалада Сарайшық көшесінен оңтүстікке қарай жалпы ауданы 28,3 мың шаршы метрлік 430 пәтер пайдалануға берілді.
Айта кетейік, «Қолжетімді баспана – 2020» бағдарламасына сәйкес, Астанада жалпы ауданы 168,4 мың шаршы метрді құрайтын 3 208 12 пәтерлік 12 тұрғын үй кешені тапсырылды. 2014 жылы 93,13 мың шаршы метрлік 1881 пәтер пайдалануға берілді.
